آغا سراج کے صاحبزادے اور دیگر کو بیرون ملک سفر کی اجازت مل گئی

احتساب عدالت کراچی نے آمدن سے زائد اثاثوں کے ریفرنس میں اسپیکر سندھ اسمبلی آغا سراج درانی کے صاحبزادے اور دیگر کو بیرونِ ملک سفر کی اجازت دے دی۔

کراچی کی احتساب عدالت میں آمدن سے زائد اثاثوں کے ریفرنس میں آغا سراج درانی کے اہلِ خانہ کی بیرونِ ملک سفر کی اجازت کی درخواست پر سماعت ہوئی۔

عدالت نے تمام ملزمان کو فی کس 5 لاکھ روپے بطور ضمانت جمع کروانے کا حکم دے دیا۔

درخواست میں کہا گیا ہے کہ آغا سراج درانی کے اہلِ خانہ نے شادی میں شرکت کے لیے بیرونِ ملک سفر کرنا ہے۔

آغا سراج درانی کے خلاف ریفرنس میں اہلِ خانہ بطور شریک ملزمان شامل ہیں۔

بشکریہ جنگ