جمعرات19؍ رجب المرجب 1442ھ4؍مارچ 2021ء

کل پیپلز پارٹی نے واضح برتری سے الیکشن جیتا، ناصر شاہ

وزیر اطلاعات سندھ ناصر حسین شاہ کہتے ہیں کہ کل پاکستان پیپلز پارٹی نے واضح برتری سے الیکشن جیتا جبکہ بلوچستان میں جے یو آئی کے اُمیدوار کامیاب ہوئے ہیں۔

کراچی میں الیکشن کمیشن کے باہر ناصر حسین شاہ نے میڈیا سے گفتگو کرتے ہوئے کہا کہ 2018 کے الیکشن میں عمران خان نے عوام کو بے وقوف بنایا، سینٹ الیکشن میں حکومت کو اپنے لوگوں پر اعتبار نہیں ہے۔

ناصر حسین شاہ نے کہا کہ سینیٹ کاٹکٹ ہی رزلٹ ہوتا ہے، کسی پیراشوٹر، سرمایہ کار کو ٹکٹ دینے سے اختلافات پیدا ہوتے ہیں۔

انہوں نے کہا کہ کل ملیر میں مسلح ٹولہ دندناتا پھر رہا تھا، ڈی آر او نے انتظامیہ کو کہا کہ ان کو حلقے سے نکالا جائے۔

ناصرحسین شاہ نے مزید کہا کہ اس میں سندھ حکومت یا مراد علی شاہ کا کوئی ہاتھ نہیں ہے۔

اُن کا کہنا ہے کہ حلیم عادل شیخ کے خلاف پہلے بھی مقدمات تھے۔

بشکریہ جنگ
You might also like

Comments are closed.