ہفتہ5؍شعبان المعظم 1442ھ 20؍مارچ 2021ء

کاغذی شیر ملک لوٹ کر لندن بھاگ گئے: فردوس عاشق اعوان

وزیرِ اعلیٰ پنجاب سردار عثمان بزدار کی معاونِ خصوصی برائے اطلاعات ڈاکٹر فردوس عاشق اعوان نے کہا ہے کہ کاغذی شیر ملک لوٹ کر لندن بھاگ گئے۔

وزیراعلیٰ پنجاب عثمان بزدار کی معاون خصوصی ڈاکٹر فردوس عاشق اعوان نے کہا ہے کہ مفاد پرست پی ڈی ایم سینیٹ کی یقینی ہاری ہوئی بازی میں مزید رسوا ہونے کیلئے تمام تر توانائیاں صرف کر رہی ہے۔

یہ بات وزیرِ اعلیٰ پنجاب سردار عثمان بزدار کی معاونِ خصوصی برائے اطلاعات ڈاکٹر فردوس عاشق اعوان نے سماجی رابطے کی ویب سائٹ پر جاری کیئے گئے ایک بیان میں کہی ہے۔

انہوں نے کہا ہے کہ ملک کے بھگوڑے کرپٹ ظلِ سبحانی اور منشی اسحاق کو کون نہیں جانتا؟

نائب صدر مسلم لیگ نون مریم نواز کو تنقید کا ہدف بناتے ہوئے فردوس عاشق اعوان کا مزید کہنا تھا کہ جعلی راج کماری پورے شاہی ٹبر خصوصاً اپنے اباجی کی تباہ شدہ سیاست سمندر بُرد کرنے کا کوئی موقع ضائع نہیں کرتیں۔

وزیرِ اعلیٰ پنجاب سردار عثمان بزدار کی معاونِ خصوصی برائے اطلاعات کا یہ بھی کہنا ہے کہ جھوٹوں کی نانی نے درست کہا ہے کہ گیدڑ کی جب موت آتی ہے تو وہ شہر کی طرف بھاگتا ہے۔

بشکریہ جنگ
You might also like

Comments are closed.