پی سی بی کا توصیف احمد کے علاج کے اخراجات اٹھانے کا اعلان
پاکستان کرکٹ بورڈ (پی سی بی) نے سابق ٹیسٹ کرکٹر توصیف احمد کے علاج کے تمام اخراجات اٹھانے کا اعلان کردیا۔
ترجمان پی سی بی کا کہنا ہے کہ توصیف احمد پاکستان کرکٹ کا اثاثہ ہیں توصیف احمد کے ساتھ مکمل رابطے میں ہیں۔
انھوں نے کہا کہ وہ جب تک سفر کے قابل نہیں ہوں گے، نیشنل ہائی پرفارمنس سینٹر میں رہیں گے۔
ادھر سابق اسپنر توصیف احمد پنجاب انسٹیٹیوٹ آف کارڈیالوجی میں زیرِ علاج ہیں، ان کی اینجیو پلاسٹی کا عمل مکمل ہوگیا ہے۔
توصیف احمد کے بھتیجے سیف الدین کے مطابق سابق کرکٹر توصیف احمد کو دو اسٹنٹس ڈالے گئے ہیں۔
ان کا کہنا تھا کہ توصیف احمد ابھی ریکوری سینٹر میں موجود ہیں، 12 گھنٹے آبزرویشن میں رہنے کے بعد ان کو دوسرے وارڈ میں منتقل کیا جائے گا۔
سیف الدین نے بتایا کہ اسپتال میں کسی قسم کی دشواری کا سامنا نہیں کرنا پڑا، تاہم پُرامید ہیں کہ توصیف احمد کو جلد اسپتال سے ڈسچارج کر دیا جائے گا۔
سابق کرکٹر توصیف احمد کو اتوار کی رات شادی کی تقریب کے دوران دل کا دورہ پڑا تھا، جس کے بعد انھیں فوری طور پر منتقل کیا گیا۔
Comments are closed.