منگل28رمضان المبارک 1442ھ 11؍مئی2021ء

ویکسین کی فراہمی کیلئے ٹائیگرفورس کا استعمال ممکن ہے: عثمان ڈار

وزیرِ اعظم عمران خان کے معاونِ خصوصی برائے یوتھ افیئرز عثمان ڈار کہتے ہیں کہ ہوسکتا ہے کہ ٹائیگر فورس کو کورونا وائرس کی ویکسین کی فراہمی کے لیے استعمال کیا جائے۔

یہ بات وزیرِ اعظم عمران خان کے معاونِ خصوصی برائے یوتھ افیئرز عثمان ڈار نے ’جیو نیوز‘ کے مارننگ شو ’جیو پاکستان‘ میں گفتگو کرتے ہوئے کہی۔

انہوں نے کہا کہ ٹائیگر فورس کے نوجوان رضا کارانہ طور پر کام کر رہے ہیں، ہماری کوشش ہے کہ ٹائیگر فورس کی جہاں ضرورت ہو وہاں اس کی خدمات لے سکیں۔

وزیرِ اعظم عمران خان کے معاونِ خصوصی برائے یوتھ افیئرز کا مزید کہنا ہے کہ 40 لاکھ درخت ٹائیگر فورس کی مدد سے لگائے گئے۔

عثمان ڈار نے یہ بھی کہا ہے کہ امید ہے کہ ٹائیگرفورس ملک اور قوم کی خدمت کے لیے آئندہ بھی تیار رہے گی، ٹائیگر فورس پر سرکاری خزانے کا ایک روپیہ خرچ نہیں ہوا ہے۔

بشکریہ جنگ
You might also like

Comments are closed.