جمعرات یکم شوال المکرم 1442ھ13؍مئی 2021ء

عمان میں زمینی سرحدوں کی بندش میں ایک ہفتے کی توسیع

سلطنت عمان میں کورونا کے بڑھتے کیسز کے پیش نظر زمینی سرحدوں کو مزید ایک ہفتے کے لیے بند رکھنے کا فیصلہ کیا گیا ہے۔

بین الاقوامی میڈیا رپورٹس کے مطابق کورونا کی نئی قسم سامنے آنے پر عمان نے 19 جنوری کو ایک ہفتے کے لیے زمینی سرحدیں بند کرنے کا اعلان کیا تھا۔

اس فیصلے پر عملدرآمد کے بعد یکم فروری تک سرحدوں کی بندش کی گئی اور اب مزید اس میں ایک ہفتے کی توسیع کر دی گئی۔

انسداد کورونا کمیٹی نے عوام سے احتیاطی تدابیر پر سختی سے عملدرآمد کرنے کی ہدایت کرتے ہوئے کہا ہے کہ کورونا کے تناظر میں اٹھائے گئے اقدامات، ضوابط اور اصولوں پر کاربند رہا جائے۔

عمان نے یکم اکتوبر سے بین الاقوامی پروازیں بحال کی تھیں جس میں اقامہ ہولڈرز اور قابلِ میعاد ویزا ہولڈرز کو سلطنت میں داخلے کی اجازت دی گئی تھی۔

The post عمان میں زمینی سرحدوں کی بندش میں ایک ہفتے کی توسیع appeared first on Urdu News – Today News – Daily Jasarat News.

بشکریہ جسارت
You might also like

Comments are closed.