منگل28رمضان المبارک 1442ھ 11؍مئی2021ء

حلیم عادل کے کمرے میں سانپ دانستہ چھوڑا گیا: راجہ اظہر

پاکستان تحریکِ انصاف (پی ٹی آئی) کے رکنِ سندھ اسمبلی راجہ اظہر کہتے ہیں کہ حلیم عادل شیخ کے کمرے میں سانپ دانستہ چھوڑا گیا ہے۔

پاکستان تحریکِ انصاف (پی ٹی آئی) کے رکنِ سندھ اسمبلی راجہ اظہر اور دیگر کراچی میں انسدادِ دہشت گردی کی عدالت (اے ٹی سی) پہنچ گئے۔

کراچی کے علاقے ملیر میں گزشتہ دنوں ہونے والے ضمنی انتخاب کے دوران گرفتار کیئے گئے پاکستان تحریکِ انصاف کے رہنما حلیم عادل شیخ کے ترجمان محمد علی بلوچ کا کہنا ہے کہ ایس آئی یو سینٹر میں حلیم عادل شیخ کے کمرے سے سانپ نکلا ہے۔

اس موقع پر راجہ اظہر کا کہنا تھا کہ گرفتار پی ٹی آئی رہنما و اپوزیشن لیڈر سندھ اسمبلی حلیم عادل شیخ کے کمرے سے سانپ نکلنا تشویش ناک ہے۔

واضح رہے کہ اپوزیشن لیڈر سندھ اسمبلی حلیم عادل شیخ کو آج 2 روزہ جسمانی ریمانڈ مکمل ہونے پر انسدادِ دہشت گردی کی عدالت میں پیش کیا جا رہا ہے۔

اس موقع پر پولیس کا کہنا تھا کہ صرف ایم پی ایز کو عدالت میں داخلے کی اجازت ہے۔

اپوزیشن لیڈر سندھ اسمبلی حلیم عادل شیخ کو انسدادِ دہشت گردی کی عدالت میں پیش کیئے جانے کے موقع پر پاکستان تحریکِ انصاف (پی ٹی آئی) کےرہنما عدالت پہنچے ہیں۔

بشکریہ جنگ
You might also like

Comments are closed.