جمعرات یکم شوال المکرم 1442ھ13؍مئی 2021ء

اسلام آباد ٹریفک حادثہ: کشمالہ طارق کے بیٹے نے عبوری ضمانت کروالی

سری نگر ہائی وے ٹریفک حادثے کے مقدمے میں کشمالہ طارق کے بیٹے اذلان خان نے عبوری ضمانت کروالی ہے۔

گزشتہ روز اسلام آباد کے علاقے سری نگر ہائی وے کے سگنل پر ٹریفک حادثے میں 4 افراد جاں بحق ہوگئے تھے۔

مقدمے میں نامزد کشمالہ طارق کے صاحبزادے اذلان خان نے عبوری ضمانت کروالی ہے۔

ایڈیشنل سیشن جج محمد سہیل نے کشمالہ طارق کے بیٹے اذلان کی عبوری ضمانت منظور کرلی ہے اور پولیس کو ملزم کوگرفتار کرنے سے روک دیا ہے۔

کشمالہ طارق کے بیٹے اذلان کی ضمانت 50 ہزار روپے کے مچلکوں کے عوض 16 فروری تک کےلیے منظور کی گئی ہے۔

بشکریہ جنگ
You might also like

Comments are closed.