فیض آباد دھرنا کمیشن نے فواد حسن فواد کو طلب کرلیا

اختر علی شاہ کی سربراہی میں فیض آباد دھرنا کمیشن نے تحقیقات کے معاملے میں نگراں وزیر اور سابق سیکریٹری ٹو پی ایم فواد حسن فواد کو طلب کرلیا۔

ذرائع کے مطابق دھرنا کمیشن 5 دسمبر کو فواد حسن فواد کا بیان ریکارڈ کرے گا، انہوں نے 22 نومبر 2017ء کے اجلاس کے منٹس درج کیے تھے۔

ذرائع کے مطابق فیض آباد دھرنا کے دوران پولیس اور انتظامیہ عملی طور پر فواد حسن فواد کو رپورٹ کر رہی تھی۔

اس معاملے سے متعلق ذرائع کا بتانا ہے کہ سابق وزیرِ اعظم شاہد خاقان عباسی اور سابق وزیرِ داخلہ احسن اقبال کمیشن کے سامنے پیش ہوچکے ہیں۔

اسلام آباد سابق وزیراعظم شاہد خاقان عباسی فیض…

ذرائع کے مطابق شاہد خاقان عباسی کا ابتدائی بیان ریکارڈ کر لیا گیا ہے، کمیشن نے تحقیقات کے لیے شاہد خاقان عباسی کو 4 صفحات پر مشتمل سوالنامہ دیا تھا جس میں 32 کے قریب سوالات تھے۔

واضح رہے کہ فیض آباد دھرنے کے وقت شاہد خاقان عباسی وزیرِ اعظم تھے، وہ اگست 2017ء سے 31 مئی 2018ء تک وزیرِ اعظم رہے۔

فیض آباد دھرنا کمیشن سابق آئی جی اختر علی شاہ کی سربراہی میں قائم کیا گیا ہے۔

بشکریہ جنگ