کراچی: شادی میں فائرنگ سے 7 سالہ بچہ جاں بحق

کراچی کے علاقے اورنگی ٹاؤن کی قصبہ کالونی میں شادی کی تقریب میں فائرنگ سے 7 سال کا بچہ جاں بحق ہو گیا۔

پولیس کے مطابق واقعے میں بچے کے چچا کی ٹانگ میں بھی گولی لگی ہے، جسے زخمی حالت میں اسپتال منتقل کیا گیا ہے۔

پولیس حکام نے بتایا ہے کہ 7سالہ مقتول ایان کو سر پر گولی لگی تھی، فائرنگ کرنے والا اسماعیل مقتول کا رشتے دار بھی ہے۔

محلے میں شادی کی تقریب میں ہوائی فائرنگ کی جا رہی تھی کہ گولی پستول میں پھنس گئی تھی، جسے نکالنے کے دوران گولی چل گئی۔

پولیس حکام کے مطابق مقتول بچے کے اہل خانہ کا کہنا ہے کہ وہ کوئی قانونی کارروائی نہیں چاہتے۔

بشکریہ جنگ