سینٹرل کنٹریکٹس، کھلاڑیوں کے معاوضوں کی تفصیل سامنے آگئی

قومی کرکٹرز کے سینٹرل کنٹریکٹس کی 4 کیٹیگریز کے معاوضوں کی تفصیلات سامنے آگئیں۔

ذرائع کے مطابق سینٹرل کنٹریکٹس کی ’اے‘ کیٹیگری کے 3 کرکٹرز کو تقریباً 60 لاکھ روپے ماہانہ ملیں گے۔ اے کیٹیگری میں کپتان بابر اعظم، وکٹ کیپر بیٹر محمد رضوان اور شاہین شاہ آفریدی شامل ہیں۔

قومی کرکٹ ٹیم کے کپتان نے نیدرلینڈز کے خلاف 81 رنز سے فتح کے بعد ٹیم کی کارکردگی پر اطمینان کا اظہار کیا ہے۔

ذرائع کے مطابق کنٹریکٹس کی ’بی‘ کیٹیگری کے کرکٹرز کو 41 لاکھ روپے ماہانہ ملیں گے، اس درجے میں فخر زمان، حارث روف، امام الحق، محمد نواز، نسیم شاہ اور شاداب خان شامل ہیں۔

ذرائع کے مطابق ’سی‘ کیٹیگری میں شامل کھلاڑیوں کو ساڑھے 17 لاکھ روپے ماہانہ ملیں گے، اس کیٹیگری میں عماد وسیم اور عبداللّٰہ شفیق شامل ہیں۔

سینٹرل کنٹریکٹس کی ’ڈی‘ کیٹیگری میں شامل پلیئرز کو 11 لاکھ 30 ہزار روپے ماہانہ ملیں گے، اس درجے میں فہیم اشرف، حسن علی، افتخار احمد، احسان اللّٰہ، محمد حارث، محمد وسیم جونیئر، صائم ایوب، سلمان علی آغا، سرفراز احمد، سعود شکیل شامل ہیں۔

پاکستانی بیٹر سعود شکیل کی کرکٹ قوانین سے واقفیت اور حاضر دماغی کی بدولت پاکستان کو نیدرلینڈز کے خلاف نہ صرف ’نوبال‘ ملی بلکہ فری ہٹ پر سعود شکیل نے چھکا بھی جڑ دیا۔

ذرائع کے مطابق ’ڈی‘ کیٹیگری میں شاہنواز ڈھانی، شان مسعود، اسامہ میر اور زمان خان کو بھی شامل کیا گیا ہے۔

ذرائع کے مطابق کھلاڑیوں کی ماہانہ آمدنی میں پاکستان کرکٹ بورڈ کو انٹرنیشنل کرکٹ کونسل (آئی سی سی) سے ملنے والے ریونیو کا 3 فیصد حصہ بھی شامل ہے۔

بشکریہ جنگ