پاکستان کی مصر میں دہشتگرد حملے کی مذمت

پاکستان نے مصر کے علاقے سینائی میں ہوئے دہشت گرد حملے کی مذمت کرتے ہوئے 11 سیکیورٹی اہلکاروں کے جاں بحق ہونے پر دلی تعزیت کی۔

ترجمان دفتر خارجہ نے اسلام آباد سے جاری مذمتی اور تعزیتی بیان میں کہا کہ پاکستان سینائی میں دہشت گرد حملے کی مذمت کرتا ہے۔

ترجمان نے مزید کہا کہ سینائی دہشت گرد حملے میں 11 سیکیورٹی اہلکار جاں بحق ہوئے، پاکستان کی حکومت اور عوام سوگوار خاندانوں سے دلی تعزیت کا اظہار کرتے ہیں۔

ترجمان دفتر خارجہ نے بیان میں یہ بھی کہا کہ ہم حملے میں زخمی ہونے والوں کی جلد صحتیابی کے لیے دعاگو ہیں۔

اُن کا کہنا تھا کہ پاکستان ہر قسم کی دہشت گردی کی مذمت کرتا ہے، ہم مصر کے برادر عوام سے یکجہتی کا بھی اعادہ کرتے ہیں۔

بشکریہ جنگ