فرانس میں G7 وزرائے خارجہ اجلاس کے ایجنڈے کا اعلامیہ جاری

علامتی فوٹو

فرانس کی وزارتِ خارجہ نے جی سیون اجلاس کا باضابطہ اعلامیہ جاری کردیا، اس کے مطابق اجلاس 9 اور 10 نومبر کو پیرس میں ہوگا۔

سرکاری ترجیحات میں یوکرین کی مالی، دفاعی اور توانائی کے شعبوں میں مدد، مشرقِ وسطیٰ کا استحکام، توانائی کی فراہمی، غذائی تحفظ، انسانی امداد اور مصنوعی ذہانت شامل ہیں۔

تفصیلات کے مطابق پیر اور منگل کو فرانس میں جی سیون وزرائے خارجہ کا اہم اجلا س منقد ہوگا۔ امریکی وزیر خارجہ مارکو روبیو پیر اور منگل کو فرانس میں جی سیون وزرائے خارجہ کے اجلاس میں شرکت کریں گے۔

اجلاس میں امریکہ اور ایران کی جنگ اور اس کے اثرات پر بھی غور ہوگا، جبکہ روس اور یوکرین تنازع اور اس کے یورپی ممالک پر اثرات کا جائزہ لیا جائے گا۔

اسی طرح عالمی توانائی اور غذائی تحفظ کے امور بھی اجلاس میں زیر بحث آئیں گے۔

اجلاس میں یورپی ممالک کو امریکہ کی جانب سے یوکرین کی فوجی امداد میں کمی اور یورپ میں امریکی فوجی موجودگی کے مستقبل پر بھی غور کیا جائے گا۔