یوکرین کے رکنِ پارلیمنٹ نے روس کے نمائندے کو گھونسا مار دیا

یوکرین کے رکنِ پارلیمنٹ نے عالمی اجلاس کے موقع پر روس کے نمائندے کو گھونسا مار دیا۔

غیرملکی میڈیا کے مطابق گزشتہ روز ترکیہ کے دارالحکومت انقرہ میں بین الاقوامی کانفرنس میں روسی نمائندے نے یوکرین کے رکنِ پارلیمنٹ سے جھنڈا چھین کر اسے پھاڑنے کی کوشش کی جس پر یوکرین کے رکنِ پارلیمنٹ کو بھی غصہ آگیا۔

رپورٹس کے مطابق یوکرین کے رکنِ پارلیمنٹ نے روسی نمائندے کا پیچھا کر کے اسے گھونسے مارے جبکہ وہاں موجود دیگر لوگوں نے بیچ بچاؤ بھی کرایا۔

غیرملکی میڈیا کے مطابق موقع پر موجود دیگر لوگوں کی وجہ سے دونوں شخصیات کے درمیان حالات مزید کشیدہ ہونے سے بچ گئے۔

بشکریہ جنگ