ہاکی فیڈریشن کا بھارت میں ہونے والے

24 نومبر سے بھارت کے شہر بھونیشور میں شروع ہونے والے جونیئر ہاکی ورلڈ کپ کی تیار یوں کیلئے پاکستان ہاکی فیڈریشن نے تربیتی کیمپ کے 29 کھلاڑیوں کے ناموں کا اعلان کردیا۔

پاکستان ہاکی فیڈریشن کے مطابق کیمپ کمانڈنٹ و ہیڈ کوچ قومی جونیئر ہاکی ٹیم دانش کلیم کی زیرنگرانی تربیتی کیمپ 14 اکتوبر سے عبدالستار ایدھی ہاکی اسٹیڈیم کراچی میں شروع ہوگا۔

جونیئر ہاکی ورلڈ کپ بھارت کے شہر بھونیشور میں 24 نومبر سے 5 دسمبر تک کھیلا جائے گا، پاکستان ہاکی فیڈریشن نے جونیئر ورلڈ کپ میں شرکت کا باضابطہ دعوت نامہ ملنے کے بعد ویزوں کے حصول کے لیے بھی پراسس کا آغاز کر دیا ہے۔

اس سلسلے میں حکومت کی جانب سے این او سی کے لیے درخواست دے دی ہے، ہاکی فیڈریشن کے مطابق قومی ٹیم کی بھارت میں ہونے والے ایونٹ میں شرکت حکومتی اجازت سے مشروط ہے۔

بشکریہ جنگ