کپل دیو نے بھارتی کرکٹ ٹیم کے کپتان کی فٹنس سے متعلق سخت بات کردی
بھارتی کرکٹ ٹیم کے سابق کپتان کپل دیو نے موجودہ ٹیسٹ ٹیم کے کپتان روہت شرما کی فٹنس پر سخت بات کردی۔
بھارتی میڈیا سے گفتگو کرتے ہوئے انہوں نے کہا کہ فٹ ہونا بہت ضروری ہے اور ایک کپتان کے لیے تو یہ زیادہ ضروری ہے، اگر آپ فٹ نہیں ہیں تو یہ شرم کی بات ہے۔
کپل دیو نے کہا کہ روہت شرما کو اپنی فٹنس پر محنت کرنے کی ضرورت ہے، وہ اچھے بیٹر ہیں لیکن جب آپ ان کی فٹنس پر بات کرتے ہیں تو ان کا وزن تھوڑا زیادہ لگتا ہے کم از کم ٹی وی پر تو ایسا ہے۔
سابق بھارتی کپتان نے کہا کہ کسی کو ٹی وی پر اور پھر اصل زندگی میں دیکھنا الگ بات ہے۔
انہوں نے کہا کہ روہت اچھا کھلاڑی اور اچھا کپتان ہے لیکن انہیں فٹ ہونے کی ضرورت ہے۔
بھارتی میڈیا کے مطابق اس حوالے سے بات کرتے ہوئے کپل دیو نے فوراً ہی ویرات کوہلی کی مثال بھی دی اور کہا کہ جب بھی آپ کوہلی کو دیکھتے ہیں تو ان کی فٹنس کی تعریف کرتے ہیں۔
Comments are closed.