کرسٹیانو رونالڈو کا نیا اسٹائل مداحوں کو بھا گیا
اسٹار فٹ بالر کرسٹیانو رونالڈو کا نیا اسٹائل مداحوں کو خوب بھا گیا، ان کے نئے اسٹائل کو مداح نے پسندیدگی کی سند دے دی۔
پرتگالی اسٹار فٹ بالر رونالڈو نے اپنے سوشل میڈیا پر ایک تازہ تصویر شیئر کی ہے، جس میں وہ عمدہ ڈریسنگ کیے ہوئے کسی ریسٹورنٹ میں بیٹھے نظر آرہے ہیں ۔
اپنے منفرد ہیئر اسٹائل کے ساتھ رونالڈو تصویر میں اپنی گھڑی کی نمائش کرتے ہوئے بھی دکھائی دے رہے ہیں اور کافی اچھے موڈ میں نظر آرہے ہیں۔
فوٹوز اینڈ ویڈیوز شیئرنگ ایپ کی سائٹ انسٹا گرام پر شیئر کی گئی تصویر میں رونالڈو نے لکھا کہ تمام لوگوں کے لیے یہ ویک اینڈ کافی اچھا رہے۔
سوشل میڈیا پر مداحوں کی جانب سے ان کی نئی تصویر کو بہت پسند کیا جارہا ہے اور اس پر دلچسپ تبصروں کا سلسلہ بھی جاری ہے۔
واضح رہے کہ گزشتہ مہینے سوشل میڈیا سائٹ انسٹاگرام پر موجود کرسٹیانو رونالڈو کے تصدیق شدہ اکاؤنٹ پر اُن کے فالوورز کی تعداد 300 ملین سے زائد ہوگئی تھی، جس کے بعد وہ انسٹاگرام پر سب سے زیادہ فالو کی جانے والی شخصیت بن گئے۔
Comments are closed.