کراچی: ڈاکوؤں کے ساتھ فائرنگ کا تبادلہ، ایک پولیس اہلکار شہید، دوسرا زخمی، ایک ڈاکو بھی ہلاک

کراچی کے ابوالحسن اصفہانی روڈ پر پولیس اور ملزمان کے درمیان فائرنگ کا تبادلہ ہوا جس میں ایک پولیس اہلکار شہید ہوگیا اور دوسرا زخمی ہے جبکہ ایک ڈاکو ہلاک ہوگیا۔ 

ترجمان پولیس کے مطابق پولیس کی جوابی فائرنگ سے ایک ملزم زخمی ہوا جسے گرفتار کرلیا گیا ہے۔ 

ایس ایس پی ایسٹ کا کہنا ہے کہ فائرنگ کر کے فرار ہونے والے ڈاکوؤں کا دو پولیس اہلکاروں نے تعاقب کیا۔ تعاقب کے دوران ڈاکوؤں کی فائرنگ سے ایک پولیس اہلکار شہید جبکہ دوسرا زخمی ہوا۔

انہوں نے بتایا کہ ملزمان پولیس اہلکار کی ایس ایم جی لے کر فرار ہوئے، فائرنگ کے تبادلے میں ایک ڈاکو مارا گیا، ملزم سے چھینی ہوئی ایس ایم جی برآمد کرلی گئی۔

بشکریہ جنگ