کراچی: نہم سائنس گروپ سالانہ امتحانات کے نتائج کا اعلان

ثانوی تعلیمی بورڈ کراچی کے چیئرمین سید شرف علی شاہ نے (SSC-Part I) جماعت نہم سائنس گروپ کے سالانہ امتحانات برائے سال 2022 کے نتائج کا اعلان کر دیا ہے۔

نتائج کا اعلان کرنے کی تقریب میں ناظم امتحانات عمران طارق اور رزلٹ کمیٹی کے ممبران بھی موجود تھے۔

سائنس گروپ میں ایک لاکھ 59 ہزار 969 طلباء و طالبات رجسٹر ڈ ہوئے جن میں سے ایک لاکھ 57 ہزار 923 نے امتحانات میں شرکت کی۔

امتحانات میں 83 ہزار 906 طلباء جبکہ 74 ہزار 17 طالبات نے شرکت کی جبکہ غیر حاضر طلبا و طالبات کی تعداد 2046 2 ہزار 46 رہی۔

تمام پرچوں میں کامیاب طلبا و طالبات کی تعداد ایک لاکھ 27 ہزار 638 رہی اور کامیابی کا تناسب 80.82 فیصد رہا۔

اسی طرح چھ پرچوں میں 16 ہزار 296، پانچ پرچوں میں 5 ہزار 733، چار پرچوں میں 3 ہزار 917، تین پرچوں میں ایک ہزار 393، دو پرچوں میں 684 اور صرف 1 ایک پرچہ میں 870 طلباء و طالبات کامیاب قرار پائے۔

بشکریہ جنگ