کراچی میں ٹرک کے نیچے آکر ماں بیٹی کے جاں بحق ہونے کے واقعے کی سی سی ٹی وی فوٹیج سامنے آگئی

کراچی کے علاقے پاک کالونی میں 28 جولائی کو ٹرک کے نیچے آکر ماں بیٹی کے جاں بحق ہونے کے واقعے کی سی سی ٹی وی فوٹیج منظر عام پر آگئی۔

فوٹیج میں موٹرسائیکل سوار فیملی  اور مخالف سمت سے آنے والے ٹرک کو دیکھا جاسکتا ہے۔

موٹرسائیکل سوار فیملی کے پیچھے آوارہ کتے بھاگتے ہیں جس پر وہ کتے کے کاٹنے کے ڈر سے گھبرا کر موٹرسائیکل دوڑاتا ہے تو اسی دوران موٹرسائیکل بے قابو ہو کر ٹرک کے نیچے چلی جاتی ہے۔

اس حادثے میں خاتون نگینہ اور اس کی 3 سال کی بیٹی ارمیش جاں بحق ہوگئی تھی جبکہ پولیس نے ٹرک ڈرائیور کو گرفتار کرلیا ہے۔

بشکریہ جنگ