کراچی: غیر ملکیوں پر فائرنگ، فیکٹری مالک اور منیجر گرفتار

کراچی میں گلبائی پل کے قریب چینی باشندے کی گاڑی پر فائرنگ کے واقعے کے مقدمے میں نامزد دونوں فیکٹری کے مالک اور منیجر کو گرفتار کر لیا گیا۔

پولیس کے مطابق فیکٹری مالک اور منیجر کے خلاف سائٹ بی تھانے میں مقدمہ درج کیا گیا تھا۔

فیکٹری مالکان نے غیر ملکی ملازمین کی نقل و حرکت سے متعلق ایس او پیز پر عمل نہیں کیا۔

کراچی کے گلبائی پل پر آج صبح گاڑی پر کی گئی فائرنگ کے حوالے سے ڈی آئی جی ساؤتھ زون جاوید اکبر کا کہنا ہے کہ جس گاڑی پر فائرنگ ہوئی اس میں 2 غیر ملکی موجود تھے، زخمی ہونے والا غیر ملکی کسی سرکاری ادارے کے منصوبے سے منسلک نہیں تھا۔

درج ایف آئی آر کے متن میں کہا گیا ہے کہ فیکٹری مالکان نے غیر ملکی ملازمین کی نقل و حرکت سے متعلق ایس او پیز پر عمل نہیں کیا۔

ایس او پیز کے تحت سندھ پولیس کو نقل و حرکت سے آگاہ نہیں کیا گیا۔

ایف آئی آر کے متن میں کہا گیا ہے کہ ایس او پیز کے مطابق چینی باشندے کے ہمراہ سیکیورٹی گارڈ ہونا لازمی ہے، سیکیورٹی سے متعلق ایس او پیز کو نظر انداز کیا گیا۔

کراچی میں واقع گلبائی پل کے قریب فائرنگ سے غیر ملکی باشندہ ڈرائیور سمیت زخمی ہو گیا، دونوں زخمیوں کو سول اسپتال منتقل کر دیا گیا ہے، جہاں انہیں طبی امداد دی جا رہی ہے۔

درج ایف آئی آر کے متن میں یہ بھی کہا گیا ہے کہ 2 چینی انجینئرز فیکٹری میں مشین فٹنگ کرنے کیلئے آتے جاتے رہتے تھے، فیکٹری مالکان نے غفلت اور لاپرواہی کا مظاہرہ کیا۔

واضح رہے کہ 2 روز قبل گلبائی کے پل کے قریب فائرنگ سے چینی انجینئر زخمی ہو گیا تھا۔

بشکریہ جنگ