کراچی: ریاست مخالف نعرے لگانے پر 8 ملزمان گرفتار

کراچی میں ریاست مخالف نعرے لگانے پر 8 ملزمان کو گرفتار کر لیا گیا۔

اس حوالے سے ڈی آئی جی ساؤتھ اسد رضا کا کہنا ہے کہ ملزمان کو سی سی ٹی وی فوٹیج کی مدد سے گرفتار کیا گیا ہے۔

انہوں نے بتایا کہ ملزمان نے دوران احتجاج پریس کلب پر ریاست مخالف نعرے لگائے تھے، بیشتر ملزمان کو سہراب گوٹھ سے گرفتار کیا گیا۔

 اسد رضا کا کہنا ہے کہ مزید ملزمان کی شناخت کا عمل جاری ہے، ملزمان کے خلاف آرٹلری میدان تھانے میں مقدمہ درج ہے۔

ڈی آئی جی ساؤتھ نے یہ بھی کہا ہے کہ گرفتار ملزمان کو عدالت میں پیش کیا جا رہا ہے۔

بشکریہ جنگ