چینی کارکنوں کی گاڑیاں داسو ہائیڈرو پاور پراجیکٹ پر حادثے کا شکار

داسو ہائیڈرو پاور پراجیکٹ سائٹ پر چینی تعمیراتی کمپنی کے کارکنوں کی گاڑیاں حادثے کا شکار ہوگئیں۔

ترجمان واپڈا کے مطابق حادثے کے وقت گاڑیوں میں چینی تعمیراتی کمپنی کے کارکن موجود تھے، جائے حادثہ کے مقام پر امدادی سرگرمیاں جاری ہیں۔

واپڈا ترجمان نے بتایا کہ حادثے کے بعد زخمیوں کو جائے حادثہ سے اسپتال منتقل کیا جارہا ہے۔

چیئرمین واپڈا امدادی سرگرمیوں کی نگرانی کیلئے داسو ہائیڈرو پاور پراجیکٹ سائٹ روانہ ہوگئے ہیں۔

بشکریہ جنگ