چیف جسٹس پاکستان نے معیار قائم کردیا، احسن اقبال

وفاقی وزیر احسن اقبال نے کہا ہے کہ چیف جسٹس پاکستان نے معیار قائم کردیا، اب تمام عدالتوں کے ججز بھی مجرموں کو ’وش یو گڈ لک‘ کہیں۔

قومی اسمبلی اجلاس میں گفتگو کرتے ہوئے وفاقی وزیر احسن اقبال کا کہنا تھا کہ 60 ارب کی کرپشن کا کیس اتنا واضح ہے کہ ٹمبکٹو کی عدالت بھی آنکھیں بند کرکے اسے کرپٹ قرار دے گی۔

پی ٹی آئی سیاسی جماعت نہیں رہی، شدت پسند تنظیم بن گئی ہے۔ پی ٹی آئی واحد جماعت ہے جو ہر ادارے پر حملہ کرچکی ہے، وزیر خارجہ

اس موقع پر رہنما جے یو آئی مولانا اسعد محمود نے کہا کہ عمراندارانہ عدالت سے جو فیصلے آئے وہ سب نے دیکھ لیے ہیں۔

اجلاس سے خطاب کرتے ہوئے اختر مینگل نے کہا کہ غریب ہاریوں کو آج تک گڈ ٹو سی یو نہیں کہا گیا، ان کے لیے گیسٹ ہاؤس اور ہمارے لیے قبرستان ہیں۔

اجلاس سے خطاب میں اپوزیشن لیڈر راجہ ریاض نے کہا کہ عمران خان پر آرمی ایکٹ کے تحت مقدمہ درج کیا جائے۔

بشکریہ جنگ