چوہدری نثار کا قومی اور صوبائی اسمبلی کا انتخاب آزاد حیثیت میں لڑنے کا اعلان

چوہدری نثار نے قومی اور صوبائی اسمبلی سے انتخاب آزاد حیثیت میں لڑنے کا اعلان کردیا۔

سابق وزیر داخلہ چوہدری نثار نے جیو نیوز کے پروگرام ’جرگہ‘ میں میزبان سلیم صافی سے گفتگو کرتے ہوئے کہا کہ مسلم لیگ ن سے 30 سال کا تعلق رہا ہے، ن لیگ کے ساتھ روابط ہیں مگر شمولیت کا فیصلہ انتخابات کے بعد کروں گا۔

چوہدری نثار نے کہا کہ عمران خان سے دوستی کا تعلق ہے، پی ٹی آئی میں شامل ہوا تو ہو سکتا ہے دوستی کا تعلق بھی نہ بچے۔

چوہدری نثار علی خان کا خصوصی انٹرویو اتوار کی شب 10 بج کر 5 منٹ پر نشر کیاجائے گا۔

بشکریہ جنگ