پی ٹی آئی کے اراکین قومی اسمبلی کو منی بجٹ پر تحفظات
پاکستان تحریک انصاف کے اراکین قومی اسمبلی نے منی بجٹ پر تحفظات کا اظہار کردیا ہے۔
وزیراعلیٰ پنجاب اور وزیراعلیٰ خیبرپختونخوا کے عشائیوں میں پی ٹی آئی کے اراکین قومی اسمبلی کی بڑی تعداد غیر حاضر رہی جس پر عثمان بزدار پریشان نظر آئے،عشائیہ میں نہ آنے والوں کی فہرست وزیراعظم عمران خان کو بھجوا دی گئی ہے۔
وفاقی وزیر پرویز خٹک اراکین قومی اسمبلی کو ٹیلی فون کرتے رہے، متعدد ایم این ایز نے فون تک نہ اٹھایا۔
رپورٹس کے مطابق ایم این ایز نے منی بجٹ کو عوام پر ظلم اور عالمی اداروں کو اپنے اداروں کے اکاؤنٹس تک رسائی کو سیکورٹی رسک قرار دیا۔
متعدد ایم این ایز نے کہا کہ ہم اس اقدام میں حکومت کا ساتھ نہیں دے سکتے۔
واضح رہے کہ حکمران اتحاد میں شامل متحدہ قومی موومنٹ (ایم کیو ایم) پاکستان نے بھی منی بجٹ سے متعلق تحفظات کا اظہار کیا ہے۔
ایم کیو ایم نے منی بجٹ پر 11 نکاتی تجاویز قومی اسمبلی میں جمع اور وزیر خزانہ شوکت ترین کو بھجوادی ہیں۔
Comments are closed.