پی ایس ایکس 100 انڈیکس میں 83 پوائنٹس کی کمی

آج کاروبار کے اختتام پر پاکستان اسٹاک ایکسچینج (پی ایس ایکس) کا 100 انڈیکس 83 پوائنٹس کی کمی پر بند ہوا ہے۔

کاروبار کے اختتام پر 100 انڈیکس 46 ہزار 110 پوائنٹس رہا۔

کاروباری دن میں 100 انڈیکس 564 پوائنٹس کے بینڈ میں رہا، انڈیکس کی آج بلند ترین سطح 46 ہزار 293 اور کم ترین سطح 45 ہزار 724 رہی۔

سندھ صرافہ بازار جیولرز ایسوسی ایشن کے مطابق دو ہزار روپے اضافے کے بعد ملک میں ایک تولہ سونے کی قدر ایک لاکھ 24 ہزار روپے ہوگئی ہے۔

بازار حصص میں آج 26 کروڑ 35 لاکھ شیئرز کا کاروبار 8 ارب 47 کروڑ روپے میں طے ہوا۔

پی ایس ایکس کی مارکیٹ کیپٹلائزیشن ایک ارب روپے بڑھ کر 7 ہزار 875 ارب روپے ہے۔

بشکریہ جنگ