پی ایس ایکس 100 انڈیکس میں 378 پوائنٹس کا اضافہ

پاکستان اسٹاک ایکسچینج (پی ایس ایکس) میں جمعہ کو کاروبار کا مثبت دن رہا۔

شیئرز بازار کا 100 انڈیکس 378 پوائنٹس اضافے سے 46 ہزار 489 پر بند ہوا ہے۔ کاروباری دن میں انڈیکس 595 پوائنٹس کے بینڈ میں رہا۔

100 انڈیکس کی بلند ترین سطح 46 ہزار 600 جبکہ کم ترین سطح 46 ہزار 5 رہی۔

سندھ صرافہ بازار جیولرز ایسوسی ایشن کے مطابق 600 روپے اضافے کے بعد ملک میں ایک تولہ سونےکی قدر ایک لاکھ 24 ہزار 600 روپے ہوگئی ہے۔

حصص بازار میں آج 30 کروڑ 42 لاکھ شیئرز کے سودے ہوئے جن کی مالیت 11 ارب 99 کروڑ روپے رہی۔

پی ایس ایکس کی مارکیٹ کیپٹلائزیشن 69 ارب روپے بڑھ کر 7 ہزار 944 ارب روپے ہے۔

بشکریہ جنگ