پی ایس ایل8: شیڈول آنے پر عاطف رانا کا خصوصی پیغام

لاہور قلندرز کے چیف ایگزیکٹو آفیسر (سی ای او) عاطف رانا نے پاکستان سپر لیگ (پی ایس ایل) 8 کے شیڈول کے اعلان کے موقع پر خصوصی پیغام جاری کیا ہے۔

عاطف رانا نے اپنے پیغام میں کہا کہ ایچ بی ایل پی ایس ایل 8 کے آغاز میں اب 3 ہفتے سے بھی کم وقت باقی رہ گیا ہے۔

انہوں نے کہا کہ لاہور قلندرز ایونٹ میں ٹائٹل کے دفاع کے لیے پرعزم ہے، ہماری فرنچائز نے پاکستان کو فخر زمان، شاہین شاہ آفریدی اور حارث روف جیسے ہیرے دیے ہیں۔

لاہور قلندرز کے سی ای او نے مزید کہا کہ شاہین شاہ آفریدی ایچ بی ایل پی ایس ایل 8 میں بھرپور انداز سے ایکشن میں نظر آئیں گے۔

ان کا کہنا تھا کہ لاہور قلندرز پہلی مرتبہ ملتان میں میچز کھیلنے کے لیے پرجوش ہے۔

عاطف رانا نے اہل لاہور کو مخاطب کرتے ہوئے کہا کہ ’لاہوریوں تیار ہو جاؤ! ہمارے 5 میچز لاہور میں ہیں۔

بشکریہ جنگ