پنجاب کی بجائے پورے پاکستان کا IG بن گیا: انعام غنی

سابق آئی جی پنجاب پولیس اور موجودہ آئی جی ریلوے پولیس انعام غنی کا کہنا ہے کہ میں وزیرِ اعظم عمران خان کا مشکور ہوں کہ مجھے پنجاب کے بجائے پورے پاکستان کا آئی جی بنا دیا۔

لاہور میں میڈیا سے گفتگو کرتے ہوئے آئی جی ریلوے پولیس انعام غنی نے کہا کہ آئی جی کے تبادلے کا اختیار حکومت کو ہوتا ہے۔

آئی جی پنجاب انعام غنی نے 11 پولیس افسران کے تقرر و تبادلے کردیے ،اس حوالے سے نوٹیفکیشن بھی جاری کردیا گیا۔

انہوں نے کہا کہ سرکاری افسر ایک نوٹی فکیشن کے اجراء پر اگلی جگہ چلے جاتے ہیں، 3 ماہ یا 3 سال رہنے والا افسر بھی مزید وقت چاہتا ہے۔

آئی جی ریلوے پولیس کا مزید کہنا ہے کہ ریلوے پولیس کو موٹر وے سے بہتر نہیں تو اس کے برابر ضرور کیا جائے۔

انعام غنی نے یہ بھی کہا کہ ریلوے پولیس کو مضبوط اور تنخواہوں میں اضافے کے لیےکوشش کروں گا۔

پنجاب میں راؤ سردار کو نیا آئی جی تعینات کردیا گیا، جبکہ انعام غنی کو آئی جی ریلوے پولیس تعینات کرنے کا نوٹی فکیشن جاری کردیا گیا ہے۔

واضح رہے کہ انعام غنی کو حال ہی میں آئی جی پنجاب کے عہدے سے ہٹا کر آئی جی ریلوے پولیس کے طور پر تعینات کیا گیا ہے۔

انعام غنی کی جگہ راؤ سردار علی خان کو آئی جی پنجاب پولیس کے طور پر تعینات کیا گیا ہے۔

بشکریہ جنگ