پنجاب حکومت کا بلدیاتی انتخابات کی مجوزہ تاریخ پر تحفظات کا اظہار

معاون خصوصی اطلاعات ڈاکٹرفردوس عاشق اعوان نے لاہور میں پریس کانفرنس کرتے ہوئے کہا کہ الیکشن کمیشن جون کے پہلے ہفتے میں جبکہ پنجاب حکومت 22 اگست کو بلدیاتی انتخابات کروانا چاہتی ہے۔

انہوں نے کہا کہ جون میں شدید گرمی کے باعث انتخابی عمل مشکل ہوگا۔

ڈاکٹر فردوس عاشق اعوان کا کہنا تھا کہ سینیٹ الیکشن میں اپوزیشن شو آف ہینڈز کے لیے تیار نہیں ہوتی تو اپنے انجام کے لئے تیار رہے۔

معاون خصوصی کا کہنا تھا کہ پانچ فروری کو یوم یکجہتی کشمیر بھرپور انداز میں منایا جائےگا، وزیراعلی عثمان بزدار اور گورنرپنجاب چوہدری سرور پانچ فروری کی تقریبات میں شریک ہوں گے۔

بشکریہ جنگ