پنجاب، سندھ میں شدید دھند، کئی موٹر ویز بند

پنجاب اور سندھ کے مختلف علاقوں میں شدید دھند کا راج ہے، موٹر ویز کے کچھ سیکشنز حدنگاہ متاثر ہونے کے باعث بند کردیے گئے ہیں۔

موٹر وے حکام کے مطابق موٹر وے ایم 2 لاہور سے شیخوپورہ تک، ایم 3 فیض پور سے درخانہ تک اور ایم 4 پنڈی بھٹیاں تا عبدالحکیم بند ہے۔

لاہور سیالکوٹ موٹر وے اور ملتان سکھر موٹر وے کو بھی مکمل طور پر بند کیا گیا ہے۔

قومی شاہراہوں پر بھی دھند کے باعث حد نگاہ متاثر ہے، موٹر وے پولیس نے شہریوں سے محتاط ڈرائیونگ اور غیرضروری سفر نہ کرنے کی ہدایت کی ہے۔

بشکریہ جنگ