پاک بحریہ کے جہازوں کا عمان کا دورہ

پاک بحریہ کے جہازوں پی این ایس راہ نورد، مددگار اور آبدوز حمزہ نے عمان کا دورہ کیا۔

ترجمان پاک بحریہ کا کہنا ہے کہ عمان کی بندرگاہ سلطان بن قابوس آمد پر پاک بحریہ کے فلوٹیلا کا شاندار استقبال کیا گیا۔

ترجمان کا کہنا ہے کہ مشن کمانڈر نے کمانڈنگ آفیسرز کے ہمراہ عمان کے اعلیٰ عسکری حکام سے ملاقاتیں کیں۔

ملاقاتوں میں باہمی دلچسپی کے امور اور دوطرفہ بحری تعاون کے مزید فروغ پر تبادلہ کیا گیا، پاک بحریہ کے افسران نے عمان کی مختلف عسکری تنصیبات کا بھی دورہ کیا۔

پاک بحریہ کے ترجمان کا کہنا ہے کہ پاک بحریہ کے فلوٹیلا کے اس دورے سے دونوں ممالک کے مابین تعلقات کو مزید فروغ ملے گا۔

بشکریہ جنگ