نیوزی لینڈ کے تیسرے کرکٹر بھی سینٹرل کنٹریکٹ سے فارغ

نیوزی لینڈ کرکٹ ٹیم کے تیسرے کرکٹر مارٹن گپٹل بھی سینٹرل کنٹریکٹ سے فارغ ہو گئے۔

نیوزی لینڈ کرکٹ مارٹن گپٹل کو سینٹرل کنٹریکٹ سے فارغ کرنے پر رضامند ہو گیا ہے۔

نیوزی لینڈ کرکٹ کا کہنا ہے کہ مارٹن گپٹل نے سینٹرل کنٹریکٹ سے ریلیز کرنے کی درخواست کی تھی، وہ اب کہیں بھی اپنے لیے مواقع تلاش کر سکتے ہیں۔

نیوزی لینڈ کرکٹ نے کہا کہ مارٹن گپٹل کو سلیکشن کے لیے زیر غور لایا جائے گا لیکن ترجیح سینٹرل کنٹریکٹ میں شامل کھلاڑیوں کو ہی دی جائے گی۔

فاسٹ بولر ٹرینٹ بولٹ کو کنٹریکٹ نہ لینے کی وجہ نیوزی لینڈ اسکواڈ سے ڈراپ کر دیا گیا۔

اس حوالے سے مارٹن گپٹل کا کہنا ہے کہ ملک کے لیے کھیلنا ایک بہت بڑا اعزاز ہے، اب مجھے اپنے لیے کئی اور آپشنز بھی دیکھنے ہیں۔

واضح رہے کہ مارٹن گپٹل انٹرنیشنل کرکٹ سے ریٹائر نہیں ہو رہے، انہوں نے ٹی ٹوئنٹی ورلڈ کپ میں کوئی میچ نہیں کھیلا تھا اور ان کو بھارت کے خلاف سیریز میں بھی شامل نہیں کیا گیا۔

اس سے قبل ٹرینٹ بولٹ اور کولن ڈی گرینڈ ہوم بھی سینٹرل کنٹریکٹ سے الگ ہو چکے ہیں۔

بشکریہ جنگ