نیب کو شرجیل میمن کی گرفتاری سے روک دیا گیا
اسلام آباد ہائی کورٹ نے قومی احتساب بیورو (نیب) کو شرجیل میمن کی گرفتاری سے روک دیا۔
عدالت نے پیپلز پارٹی کے رہنما شرجیل میمن کی سندھ روشن پروگرام کیس میں عبوری ضمانت اگست کے پہلے ہفتے تک منظور کرلی۔
اسلام آباد ہائی کورٹ کے جسٹس محسن اختر کیانی اور جسٹس بابر ستار نے شرجیل انعام میمن کی ضمانت کی درخواست پر سماعت کی۔
شرجیل میمن اپنے وکیل لطیف کھوسہ کے ساتھ عدالت میں پیش ہوئے اور استدعا کی کہ کیس کے فیصلے تک ضمانت دی جائے۔
نیب راولپنڈی نے شرجیل میمن کو بطور وزیر بلدیات شامل تفتیش کیا اور 6 جولائی کو نیب آفس طلب کیا۔ شرجیل میمن پر منصوبے میں رشوت اور غیر قانونی رقوم لینے کا الزام ہے۔
عدالت نے شرجیل انعام میمن کی عبوری ضمانت اگست کے پہلے ہفتے تک منظور کرتے ہوئے نیب کو شرجیل میمن کی گرفتاری سے روک دیا۔ عدالت نے درخواست گزار کو کل ریکارڈ سمیت تفتیشی ٹیم کے سامنے پیش ہونے کی ہدایت بھی کی۔
Comments are closed.