بدھ14؍شوال المکرم 1442ھ26؍مئی 2021ء

میامی ، 12 منزلہ عمارت گرنےسے اموات کی تعداد 4ہوگئی

امریکی شہر میامی میں جمعرات کو گرنے والی 12 منزلہ عمارت میں اموات کی تعداد چار ہوگئی ہے جبکہ 159 افراد تاحال لاپتہ ہیں۔

امریکی ریاست فلوریڈا کے شہر میامی میں گرنے والی عمارت کےملبےسے ممکنہ طور پر دبے افراد کی تلاش کیلئے ریسکیو آپریشن جاری ہے جبکہ عمارت میں مختلف ملکوں کے شہری مقیم تھے۔

چار ملکوں کی وزارت خارجہ اور قونصل خانوں نے کہا ہے کہ اس حادثے کے بعد سے ان کے بائیس شہری لاپتہ ہیں، ان میں سے نو ارجنٹائن کے، چھ پیراگوئے کے، چار وینزویلا کے اور تین کا تعلق یوروگوئے سے ہے۔

گرنے والی عمارت میں تقریبا ایک سو تیس اپارٹمنٹ تھے تاہم ابھی تک یہ واضح نہیں ہوسکا ہے کہ حادثے کے وقت عمارت میں کتنے افراد موجود تھے۔

بشکریہ جنگ
You might also like

Comments are closed.