ملزم فوری گرفتار ہوجاتا تو عصمت جمیل کی جان بچ جاتی، ڈی آئی جی حیدرآباد

ڈی آئی جی حیدر آباد پیر محمد شاہ نے کہا ہے کہ ملزم فوری طور پر گرفتار ہوجاتا تو عصمت جمیل کی جان بچ جاتی۔

دادو میں میڈیکل کی طالبہ ڈاکٹر عصمت جمیل کی مبینہ خودکشی کے معاملے پر ڈی آئی جی حیدرآباد نے میڈیا سے گفتگو کی۔

انہوں نے کہا کہ تحقیقات میں جھوٹے نکاح نامے کی بات ثابت ہوگئی ہے، امید ہے جلد مرکزی ملزم کو گرفتار کرلیا جائے گا۔

اسلام آباد میں لڑکا اور لڑکی پر تشدد اور نازیبا حرکت کے کیس میں اہم موڑ آگیا۔

ڈی آئی جی حیدر آباد نے مزید کہا کہ واقعے کی تحقیقات میں 3 دن کا وقفہ کیوں آیا، اس پہلو کو خود دیکھوں گا، اس معاملے میں کہیں نا کہیں پولیس کی سستی شامل رہی ہے۔

اُن کا کہنا تھاکہ ملزم فوری طور پر گرفتار ہوجاتا تو عصمت جمیل کی جان بچ جاتی۔

بشکریہ جنگ