لاہور میں ڈرم سے ملنے والی لاشوں کی شناخت ہوگئی

لاہور کے علاقے نشتر کالونی میں گزشتہ روز ڈرم سے ملنے والی لاشوں کی شناخت ہوگئی۔ مقتولین میاں بیوی تھے جنہیں لڑکی کے بھائیوں نے مبینہ طور پر جائیداد میں حصہ مانگنے پر قتل کیا۔

پولیس کے مطابق گزشتہ روز نشتر کالونی کے علاقے کماہاں سے پلاسٹک کے ایک ڈرم سے خاتون اور مرد کی لاشیں ملی تھیں، جن کی شناخت عمران اور فرزانہ کے ناموں سے ہوئی۔

 مقتولین میاں بیوی تھے جنہیں لڑکی کے بھائیوں نے مبینہ طور پر جائیداد سے حصہ مانگنے پر قتل کیا، ملزمان نے دونوں کو قتل کرکے لاشیں ڈرم میں ڈال کر پھینک دی تھیں۔

 پولیس نے مقدمہ درج کرکے ملزمان کی گرفتاری کیلئے چھاپے مارنا شروع کر دیے۔

بشکریہ جنگ