لاہور: خاتون سے کار چھیننے والا ملزم پولیس مقابلے میں مارا گیا

لاہور کے علاقے ڈیفنس میں خاتون سے کار چھیننے والا ملزم پشاور میں پولیس مقابلے میں مارا گیا۔

پولیس کے مطابق ملزم کا تعلق راولپنڈی کے مشہور گینگ بلال ثابت سے تھا، ملزم کا ایک ساتھی فیروز پہلے ہی گرفتار ہے۔

پولیس کا بتانا ہے کہ ملزم کی گرفتاری کے لیے لاہور پولیس نے پشاور میں چھاپہ مارا تھا، ہلاک ملزم بیورو کریٹس اور موٹر وے پولیس کے ایڈیشنل آئی جی پر فائرنگ میں بھی ملوث رہا ہے۔

واضح رہے کہ ملزم نے ایک ماہ قبل لاہور کے علاقے ڈیفنس سے خاتون کو اغوا کر کے گاڑی چھین لی تھی۔

بشکریہ جنگ