قوم پولیس فورس کے ہیروز کی مقروض ہے، وزیراعظم

وزیراعظم عمران خان نے پولیس فورس کو خراج تحسین پیش کرتے ہوئے کہا ہے کہ قوم ان ہیروز کی مقروض ہے۔

ایک بیان میں وزیراعظم نے کہا کہ پولیس نے حکومت کو بلیک میل کرنے کی منظم پرتشدد مہم کا مقابلہ کیا۔

انہوں نے کہا کہ قوم ان ہیروز کی مقروض ہے، ہم شہدا کے خاندانوں کا خیال رکھیں گے۔

عمران خان نے مزید کہا کہ کالعدم ٹی ایل پی کے حالیہ احتجاج کے دوران پولیس کے 4 شہید اور 600 زخمی ہوئے۔

بشکریہ جنگ