قوم فارن فنڈنگ کیس کا فیصلہ جلد سنانے کا مطالبہ کر رہی ہے: امیر مقام

وزیرِ اعظم شہباز شریف کے مشیر برائے سیاسی و عوامی امور امیر مقام نے کہا ہے کہ پوری قوم کا مطالبہ ہے کہ فارن فنڈنگ کیس کا فیصلہ جلد سنایا جائے۔

اپنے ایک بیان میں انہوں نے کہا ہے کہ نیشنل ٹائمز کی تحقیقاتی رپورٹ نے عمران نیازی کو ڈاکو ثابت کر دیا ہے۔

امیر مقام نے مزید کہا ہے کہ عمران خان کی 4 سالہ حکومت میں سابق فاٹا کے 440 ارب روپے بھی ہڑپ کیے گئے۔

وفاقی وزیر خزانہ مفتاح اسماعیل نے کہا ہے کہ عمران خان کے اقتدار میں ملک پر 19 ہزار ارب کا قرض چڑھا اور معیشت تباہ اور برباد ہوگئی۔

وزیرِ اعظم کے مشیر برائے سیاسی و عوامی امور  کا یہ بھی کہنا ہے کہ نواز شریف اور شہباز شریف کی قیادت میں بہت جلد ملک بحرانوں سے نکل جائے گا۔

بشکریہ جنگ