قومی ہاکی ٹیم کیلئے غیر ملکی کوچ کی خدمات حاصل کرنے کیلئے رابطے

پاکستان ہاکی ٹیم کے لیے غیر ملکی کوچ کی خدمات حاصل کرنے کے لیے رابطے کیے جارہے ہیں۔

ذرائع کے مطابق پاکستان ہاکی فیڈریشن حکام ہالینڈ سے تعلق رکھنے والے سیگفڈ ایکمین کی خدمات حاصل کرنے کی خواہشمند ہیں۔

سیگفڈ ایکمین کی کوچنگ میں جاپان نے جکارتہ ایشین گیمز میں گولڈ میڈل جیتا۔

ذرائع کا کہنا ہے کہ معاملات طے ہونے پر ایکمین اگلےماہ پاکستانی ٹیم کو جوائن کرسکتے ہیں۔

واضح رہے کہ ایشین چیمپئنز ٹرافی 14 دسمبر سے بنگلادیش کے شہر ڈھاکا میں شیڈول ہے۔

بشکریہ جنگ