بدھ14؍شوال المکرم 1442ھ26؍مئی 2021ء

قومی ٹیم فتح، پاکستانی نوٹنگھم کی سڑکوں پر نکل آئے

پہلے ٹی ٹوئنٹی کرکٹ میچ میں پاکستان کی انگلینڈ کے خلاف فتح کے بعد پاکستانی کرکٹ ٹیم کے مداح اپنی ٹیم کی فتح کا جشن منانے کے لیے نوٹنگھم کی سڑکوں پر نکل آئے۔

پاکستانیوں نے نوٹنگھم میں میچ کے بعد اپنی ٹیم کی فتح کا جشن منایا، شائقین کرکٹ ڈھول کی تھاپ پر بھنگڑے بھی ڈالتے نظر آئے۔

اپنے بیان میں شاہد آفریدی نے کہا کہ پہلے ٹی ٹوئنٹی میچ میں سب نے شاندار کارکردگی دکھائی۔

اس موقع پر مداحوں نے پاکستان اور پاکستانی کرکٹ ٹیم کے حق میں نعرے بھی لگائے، جبکہ شائقین کرکٹ سڑکوں پر رقص کے ساتھ ساتھ سیٹیاں بھی بجاتے رہے۔

واضح رہے کہ پاکستان نے تین ٹی ٹوئنٹی میچوں کی سیریز میں فاتحانہ آغاز کیا، پہلے ٹی ٹوئنٹی انٹرنیشنل میچ میں انگلینڈ کو 31 رنز سے ہرادیا۔ 233 رنز کا تعاقب کرتے ہوئے انگلش ٹیم 201 رنز ہی بنا سکی۔

پاکستان ٹیم نے بڑا ہدف دینے کے بعد بولنگ میں بھی اچھا آغاز کیا، انگلینڈ کی پہلی وکٹ 12 رنز پر گرا دی، جس کے بعد دوسری اور تیسری وکٹ بھی قومی ٹیم نے جلد حاصل کر کے میچ پر اپنی گرفت مضبوط کی۔

بشکریہ جنگ
You might also like

Comments are closed.