فاطمہ بھٹو نے والد کی یادگار ویڈیو شیئر کردی
پاکستانی مصنفہ اور کالم نگار فاطمہ بھٹو نے اپنے والد مرتضیٰ بھٹو کی یادگار ویڈیو سوشل میڈیا شیئر کی ہے۔
جوش و ولولے سے لبریز اس ویڈیو میں مرتضیٰ بھٹو کو پرجوش خطاب کرتے ہوئے دیکھا جا سکتا ہے۔
فاطمہ بھٹو نے اس ویڈیو کے کیپشن میں اپنے والد کے لفظ ’جیل سے کون ڈرتا ہے، جان دینے کیلئے تیار ہے‘ دہرائے ہیں۔
اس ویڈیو میں مرتضیٰ بھٹو کو اپنی پارٹی ورکرز کے تحفظات اور اِن کا خیال رکھنے سے متعلق وعدہ اور یقین دہانی کرواتے ہوئے دیکھا جا سکتا ہے۔
فاطمہ بھٹو کی اس ویڈیو کو تاحال ہزاروں انٹریٹ صارفین لائیک کر چکے ہیں۔
یاد رہے کہ فاطمہ بھٹو معروف سیاستدان مرتضیٰ بھٹو کی بیٹی، ذوالفقار علی بھٹو جونیئر کی بہن، سابق پاکستانی وزیر اعظم بینظیر بھٹو کی بھتیجی اور سابق وزیر اعظم اور پاکستان کے صدر، ذوالفقار علی بھٹو کی پوتی ہیں۔
بشکریہ جنگ
Comments are closed.