عید کی چھٹیوں میں تفریحی مقامات پر لوگوں کا رش

عید کی چھٹی کو بھرپور طریقے سے منانے کے لیے لوگوں نے تفریحی مقامات کا رخ کرلیا، سیاحوں کی بڑی تعداد مری پہنچ گئی، ہزاروں گاڑیاں داخل ہونے سے ٹریفک کی صورتِ حال بگڑ گئی۔

کورونا ویکسین سرٹیفکیٹ کے بغیر مری میں سیاحوں کے داخلے پر پابندی ہے ۔

واضح رہے کہ گلگت بلتستان میں شاہراہِ قراقرم پر 9 مقامات پر لینڈ سلائیڈنگ ہوئی، جس کے بعد شاہراہِ قراقرم کھولنے کا کام صبح سویرے سے جاری ہے، جبکہ گلگت استور روڈ کو ٹریفک کیلئے کھول دیاگیا ہے۔

اسلام آباد کے دامنِ کوہ پر نوجوانوں نے بار بی کیو پارٹی اور رقص  بھی کیا۔ جبکہ سوات میں بھی سیاحوں کا رش بڑھ گیا۔

عید کے دن  کوئٹہ کے گلی محلوں میں میلے لگ گئے، بچوں نے خوب تفریح کی۔

بشکریہ جنگ