جمعہ9؍ شوال المکرم 1442ھ21؍مئی 2021ء

عوام نے عمران خان کو ووٹ دے کر ووٹ کو عزت دی، شہبازگِل

وزیراعظم عمران خان کے معاون خصوصی شہباز گِل کا کہنا ہے کہ عوام نے عمران خان کو ووٹ دے کر ووٹ کو عزت دی۔

پاکستان تحریک انصاف کے رہنما شہباز گِل نے پاکستان مسلم لیگ ن کی نائب صدر  مریم نواز کے بیان پر ردعمل دیتے ہوئے کہا ہے کہ  کرپشن، لوٹ مار، جھوٹ اور منافقت مریم صفدر کی سیاست کا محور ہیں۔

مسلم لیگ نون کی نائب صدر اور سابق وزیرِ اعظم میاں نواز شریف کی صاحبزادی مریم نواز کہتی ہیں کہ حکومت نے پولیس اور انتظامیہ کے ذریعے دھاندلی کا منصوبہ بنایا پھر بھی بری طرح ہار گئی۔

شہباز گِل نے کہا ہے کہ ڈسکہ میں پی ٹی آئی ورکر پولنگ ایجنٹ کو بیدردی سے مارنے والے لیگی غنڈے تھے، منافقت اور لاشوں پر سیاست کرنے میں شریفوں کا مقابلہ کوئی نہیں کرسکتا۔

انہوں نے مزید کہا کہ ووٹ کو عزت دو کا نعرہ عوام نے مجھے کیوں نکالا میں تبدیل کردیا، اصل مافیا 30 سال سے اپنے اقتدار کی خاطر جھوٹ، گمراہی پھیلاتا رہا۔

بشکریہ جنگ
You might also like

Comments are closed.