عمران خان پر قاتلانہ حملہ، JIT نے فیصل واؤڈا کو طلب کر لیا
وزیر آباد میں چیئرمین پی ٹی آئی عمران خان پر قاتلانہ حملے کی تحقیقات کے لیے بنی جے آئی ٹی نے تحریکِ انصاف کے سابق رہنما فیصل واؤڈا کی طلبی کے لیے مراسلہ جاری کر دیا۔
جاری کیے گئے مراسلے کے متن میں کہا گیا ہے کہ فیصل واؤڈا عمران خان پر حملے کی تحقیقات میں شاملِ تفتیش ہوں۔
مراسلے کے ذریعے فیصل واؤڈا کو ہدایت کی گئی ہے کہ وہ کل ریکارڈ سمیت جے آئی ٹی کے سامنے پیش ہوں۔
مراسلے کے مطابق فیصل واؤڈا نے آزادی مارچ میں خون خرابہ ہونے سے متعلق بیان دیا تھا، فیصل واؤڈا تمام دستاویزات اور قومی شناختی کارڈ کے ساتھ پیش ہوں۔
جے آئی ٹی کی جانب سے پی ٹی آئی رہنماؤں ڈاکٹر یاسمین راشد، حماد اظہر، فیصل جاوید، عمران اسماعیل، عمر سرفراز چیمہ کو بھی کل طلب کیا گیا ہے۔
جے ٹی آئی نے ان رہنماؤں سمیت 35 افراد کو کل پیش ہونے کی ہدایت کی ہے۔
بشکریہ جنگ
Comments are closed.