عمران خان عوام کے وزیراعظم ہیں، قیدیوں کی رہائی اس کی اعلیٰ مثال ہے، طاہر اشرفی

وزیراعظم عمران خان کے نمائندہ خصوصی برائے مذہبی ہم آہنگی طاہر محمود اشرفی نے کہا ہے کہ سعودی عرب سے رہائی کے بعد قیدی پاکستان پہنچ گئے ہیں۔

ایک بیان میں طاہر محمود اشرفی نے کہا کہ سعودی عرب سے 63 قیدیوں کا گروپ رہائی کے بعد پاکستان پہنچ گیا ہے۔

انہوں نے کہا کہ وزیراعظم عمران خان کی کوششوں سے سعودی ولی عہد شہزادہ محمد بن سلمان کے حکم پر قیدیوں کو رہائی ملی۔

وزیراعظم کے نمائندہ خصوصی نے مزید کہا کہ پاکستانی قیدیوں کو پی آئی اے کی پرواز کے ذریعے سعودی عرب سےلایا گیا۔

اُن کا کہنا تھاکہ عمران خان عوام کے وزير اعظم ہیں، قیدیوں کی رہائی اس کی اعلی مثال ہے۔

بشکریہ جنگ