علماء کے اعتراض کی خبر میں حقیقت نہیں، فواد چوہدری کی وضاحت

وفاقی وزیر اطلاعات و نشریات فواد چوہدری نے کہا ہے کہ علماء کے اعتراضات کی خبروں میں حقیقت نہیں ہے۔

جیونیوز کے پروگرام ’جرگہ‘ میں گفتگو کے دوران فوا د چوہدری نے وزیراعظم عمرا ن خان سے علماء کی ملاقات میں ان کی موجودگی پر اعتراض کا جواب دیا۔

وزیراعظم عمران خان سے علماء کرام نےوفاقی وزیر فواد چوہدری اور علامہ طاہر اشرفی کی موجودگی میں ملاقات کرنے سے انکار کیا۔

انہوں نے کہا کہ علماء کے اعتراضات کی خبروں میں کوئی حقیقت نہیں ہے، وہ خود ہی ایسے اجلاسوں میں بیٹھنا پسند نہیں کرتے ہیں۔

وفاقی وزیر اطلاعات نے مزید کہا کہ ریاست کو تشدد کا قلع قمع کرنا چاہیے، ریاست پیچھے ہٹتی ہے تو نقصان ہوتا ہے۔

بشکریہ جنگ