علاقہ مکینوں کے احتجاج کے باوجود ایل بی او ڈی میں زیرو پوائنٹ پر کٹ لگانے کا فیصلہ

علاقہ مکینوں کے احتجاج کے باوجود سندھ میں نکاسی آب کے سیم نالے ایل بی او ڈی میں زیرو پوائنٹ کے مقام پر کٹ لگانے کا فیصلہ کرلیا گیا ہے۔   

بتایا جارہا ہے کہ ایل بی او ڈی میں پانی کی سطح میں خطرناک حد تک اضافے کے باعث محکمہ آبپاشی کی جانب سے زیرو پوائنٹ کے مقام پر کٹ لگانے کا فیصلہ کیا گیا ہے۔

سیم نالے پر پشتوں پر شدید دباؤ ہے جبکہ اس کے کئی مقامات سے مٹی بھی بہہ چکی ہے۔ 

کہا جارہا ہے کہ اگر اس میں کٹ نہیں لگایا گیا تو خدشہ ہے کہ اس میں کسی بھی جگہ پر شگاف پڑ سکتا ہے۔ 

دوسری جانب کٹ لگنے سے متعلق اطلاع ملتے ہی قریبی آبادی کے رہائشی شدید احتجاج کر رہے ہیں اور کہہ رہے ہیں کہ وہ یہاں کٹ نہیں لگانے دیں گے۔ 

دوسری جانب مساجد میں اعلانات بھی کیے جارہے ہیں کہ علاقہ مکین کسی محفوظ مقام پر منتقل ہوجائیں۔ 

محکمہ آبپاشی کے حکام کا کہنا ہے کہ آر ڈی 211 زیرو پوائنٹ پر کٹ لگانے سے خطرناک حد تک بڑھنے والی پانی کی سطح میں ریلیف ملے گا اور یہاں سے پانی کا اخراج انڈس ڈیلٹا میں کیا جائے گا۔ 

بشکریہ جنگ